Stadiwm Sain Helen yn Abertawe fydd cartref newydd y Gweilch

Ar ôl cyhoeddi mai Sain Helen fyddai’r cartref newydd, dywedodd y clwb y byddai’r symudiad yn golygu buddsoddiad helaeth yn y safle, gan gynnwys gosod cae 4G ac eisteddleoedd newydd.

Dywedodd y Gweilch mewn datganiad: “Mae’n fraint i gael y man lle chwaraeodd Cymru eu gêm ryngwladol gyntaf erioed yn 1882 yn gartref newydd i’r rhanbarth.

“Dyw’r symudiad nid yn unig yn golygu ein bod ni’n aros yn agos i fwyafrif ein cefnogwyr, ond mae hefyd yn ein galluogi i weithio’n agos gyda Chyngor Abertawe i ddod â bywyd newydd i gae Sain Helen.

“Bydd buddsoddiad o filiynau o bunnau yn gweld ni’n gosod cae 4G newydd, eisteddleoedd newydd, adfywio’r tŷ clwb a chyflwyno porth cefnogwyr newydd.”