Penodi Ffion Dafis yn gyfarwyddwr artistig Theatr Bara Caws

Ychwanegodd: “Wrth i gymdeithas newid, mae’n rhaid i ni arwain y naratif ac adlewyrchu y Gymru amrywiol yr ydan ni’n byw ynddi.

“Dwi’n barod i fod yn ddewr a cheisio denu cynulleidfaoedd sy’n credu nad ydy theatr o reidrwydd ar eu cyfer nhw.

“Dwi hefyd eisiau tanio dychymyg y gynulleidfa driw sy’n meddwl y byd o’r theatr – theatr sy’n rhan o’n gwead ni yma yng Nghymru.”

Dywedodd Mared Llywelyn, oedd yn cadeirio’r panel cyfweld ac sydd hefyd yn Is-Gadeirydd Bwrdd Bara Caws: “Mae penodiad Ffion Dafis yn gam cyffrous i’r cwmni, a ninnau ar drothwy dathlu pen-blwydd yn 50 a datblygiadau’r cartref newydd.

“Rhannodd Ffion weledigaeth ddychmygus a beiddgar – yn addo y bydd Bara Caws yn parhau fel y ‘Babi a ddaeth i’r byd yn bowld ac yn swnllyd’. Yn ei geiriau hi,’ Mae’n bwysig bod y sŵn a’r strancio yn parhau”.