Treth ar dwristiaid: ‘Nonsens’ neu’n ‘ddigon teg’?

Dywedodd fod twristiaid sy’n ymweld â Chymru yn cyfrannu i’r economi leol.

“Mae pawb sy’n dod yma yn gwario, maen nhw’n talu tâl ar werth, maen nhw’n gwario gyda busnesau lleol a ‘da’n ni’n defnyddio busnesau lleol i ‘neud gwaith yma.

“Fel ‘ma petha ar hyn o bryd efo costau di mynd fyny, mae pawb yn bryderus.

“Mae ‘na gwmwl dros eich pennau – be sy’n mynd i ddigwydd de?”

Yn ystod gwyliau’r Pasg, mae maes carafanau Mr Williams yn brysur tu hwnt, ond dywedodd Mr Williams ei fod yn credu na fyddai mor brysur pe bai treth ar dwristiaid yn cael ei chyflwyno.

“I deulu o 5 neu 6 i aros am wythnos neu bythefnos, mae’n swm sylweddol…Diwedd y gân ydi’r geiniog. Os fedrwch chi fynd i rwla rhatach a sbario £100 yr wsnos neu be bynnag, i fanna da chi am fynd. Gwyliau ‘di gwyliau!”