Teyrnged i fam ‘cariadus a gofalgar’ fu farw mewn tân ger Bwlch-llan

Dywedodd teulu Ms Edwards mewn datganiad ddydd Gwener ei bod yn fam ymroddgar, yn bartner ffyddlon i Geraint ac yn ferch i Dai a’r diweddar Kathleen.

“Roedd yn chwaer arbennig i Gwyn, yn ‘hanner arall i’r ŵy’ gyda Gill ac yn fodryb falch i’w pum nai – a oedd yn meddwl y byd ohoni.

“Roedd Heather yn berson cariadus, gofalgar a llawn hwyl a oedd yn goleuo bywydau’r rhai o’i chwmpas.

“Roedd ei charedigrwydd, hiwmor a’i haelioni yn cael effaith ar bawb yr oedd yn ei hadnabod, ac mae ei cholli wedi gadael bwlch enfawr yn ein calonnau.

“Fe fydd dy blant yn tyfu fyny yn gwybod yn union pwy oeddet ti – dy gariad, dy gryfder a’r llawenydd oedd yn dy ddilyn di i bob ystafell.”