Perchennog caban pren yn brwydro yn erbyn premiwm ail dai

Yn ôl Mrs Harris, mae hi a’i theulu wedi bod yn ceisio ymladd y premiwm ers mis Ebrill.

“Ni’n mynd rownd a rownd. Dywedodd swyddog o’r Parc Cenedlaethol nad oedd yn addas ar gyfer defnydd preswyl o unrhyw fath,” meddai.

“Mae fy mrawd wedi dechrau talu ym mis Ebrill, oherwydd fe sydd yn gofalu am y cyllid, ond erbyn Nadolig yma, bydd y funds yn isel.

“Chi ffaelu cwrdd â rhywun o’r cyngor i gael sgwrs. Ni’n cwympo drwy’r rhwyd ond ni’n gorfod talu.

“Ni’n hapus iawn i fynd i’r cwrt – y tri ohonom ni. Dwi’n barod i fynd, ydw. Digon yw digon.

“Sa’i eisiau cadw’r annibendod ‘ma i’r genhedlaeth nesaf. Mae hwn yn synnwyr cyffredin.

“Dim second home fel sydd gyda chi yn Trefdraeth yw hwn. So nhw’n gwrando. S’dim un yn gwrando.”