Pennaeth iechyd yn ymddiswyddo ar ôl gwallau cyfrifo ‘bwriadol’

Gan gyfeirio at y staff sy’n dal yn destun ymchwiliad dywedodd Darren Millar, yr Aelod Ceidwadol o’r Senedd dros ogledd Cymru: “Bydd llawer o bobl yng ngogledd Cymru’n synnu ein bod ni bron i ddwy flynedd ers i’r sgandalau yma dorri ac mae’n ymddangos nad oes unrhyw un wedi ei gael atebol am y methiannau sydd wedi digwydd.

“Nid yw’n ddigon da, mae angen i ni ddatrys pethau’n gyflymach, ac wrth gwrs, Llywodraeth Cymru sy’n gyfrifol am hyn o ystyried bod y bwrdd iechyd mewn mesurau arbennig.”

Cafodd BIPBC eu rhoi yn ôl o dan fesurau arbennig, y lefel uchaf o oruchwyliaeth gan Lywodraeth Cymru, yn fuan ar ôl ymadawiad Ms Hill.

Dywedodd y bwrdd iechyd wrth BBC Cymru nad oedden nhw na Sue Hill eisiau ymateb i sylwadau Llyr Gruffydd a Darren Millar ac nad oedd ganddyn nhw sylw pellach.

Dywedodd llefarydd ar ran Llywodraeth Cymru: “Mae hwn yn fater cyflogaeth ac felly mater i’r bwrdd iechyd ydy hyn.”