Diwedd cyfnod i Kelvin Walsh a’r actor Kevin Williams

Felly beth oedd taith Kevin at dderbyn rhan Kelvin Walsh yn fachgen deg oed o Ddyffryn Nantlle?

“O’ni wedi neud un neu ddau o betha cynt, Y Dylluan Wen lle o’n i’n actio efo Maldwyn John, sef Philip ar Rownd a Rownd.

Cyn hynna o’n i wedi actio ar Y Weithred am y tri fomiodd Tryweryn. Wedyn dwi’n cofio oedd Rownd a Rownd yn dod rownd ysgolion a neud cyfweliadau, ac ar y pryd oedd hi’n wylia’ haf ac ar y pryd o’n i’n neud placescheme yn y ganolfan hamdden ym Mhenygroes.

“Dwi’n cofio y diwrnod ddaru ffilm Titanic ddod allan, oeddan ni yn cal gwatsiad ffilm Titanic a oedd pawb isio gwatsiad hi.

“Ddoth Nain a Mam yno a deutha fi ‘tyrd, rai chdi ddod efo ni, ti wedi cael dy alw i Rownd a Rownd’.

“Dyma fi’n deud ‘ond dwi’m isio mynd, dwi isio gwatsiad Titanic.’ ‘Ond fydd raid chdi fynd’ ac o’n i’n crio, do’n i rili ddim isio mynd.

“Dyma nhw yn dragio fi ona a deud ‘ti lawr i’r 10 dwytha’ a hyd heddiw dwi’n falch bo’ nhw wedi dragio fi a mi wnaethon nhw brynu fideo titanic i fi ar y ffordd adra.”