AS yn galw am adfer yr enw Glyndŵr ar brifysgol Wrecsam

Dywedodd Is-Ganghellor Prifysgol Wrecsam, Joe Yates, wrth y BBC: “Rydym wedi ein gwreiddio yn ein cymuned, yn falch o gael ein lleoli yn Wrecsam, ac yn falch o’n hanes a’n treftadaeth Gymreig.

“Roedd ein penderfyniad i ail-frandio i Brifysgol Wrecsam yn adlewyrchu’r ymrwymiad a’r cysylltiad hwn â lle, heb newid pwy ydym ni a beth a wnawn.

“Mae’r newid yn adlewyrchu ein hunaniaeth gref fel prifysgol ddinesig wedi’i gwreiddio yn Wrecsam, ac nid oedd yn symudiad oddi wrth ein hunaniaeth Gymreig.

Ychwanegodd bod y brifysgol “wedi ymrwymo’n strategol i’r Gymraeg drwy ein gweledigaeth a’n strategaeth newydd ar gyfer 2030 drwy gynnwys treftadaeth a diwylliant yr iaith Gymraeg i bopeth a wnawn.

“Mae ein strategaeth Gymraeg yn ymrwymo i ddatblygu darpariaeth cyfrwng Cymraeg, cryfhau gwasanaethau dwyieithog, sicrhau cydymffurfiaeth Gymraeg, hyrwyddo diwylliant dwyieithog bywiog, a chwarae rhan flaenllaw fel sefydliad angori ar gyfer yr iaith Gymraeg, diwylliant, a threftadaeth yn lleol, yn genedlaethol ac yn fyd-eang

“Rydym hefyd wedi ymrwymo i barhau i ddathlu etifeddiaeth Owain Glyndŵr. Un enghraifft o hyn yw trwy ein cysylltiadau â Chymdeithas Owain Glyndŵr, sy’n cyflwyno gwobr i un o’n graddedigion gorau bob blwyddyn.”