Angen ‘mwy o waith’ i ddeall effaith treth etifeddiaeth ar ffermydd Cymru

Wrth gael ei holi a oedd yn poeni ynglŷn â’r newidiadau i dreth etifeddiant, dywedodd Mr Irranca-Davies fod ganddo “bryderon am unrhywbeth allai beryglu” yr hyn yr oedd wedi’i ddisgrifio fel y “llwybr tuag at ddyfodol cynaliadwy i ffermio yng Nghymru”.

“Dwi’n credu bod angen i fynd i fanylder yr hyn sy’n cael ei gynnig,” meddai.

Roedd dadansoddiad y Trysorlys yn “dweud yn glir” mai bach iawn fyddai nifer y ffermydd teuluol Cymreig fyddai’n cael eu heffeithio – ond “mae’r undebau yn cyflwyno dadl wahanol iawn”, meddai.

“Dwi’n gwybod y bydd y trafodaethau’n parhau,” ychwanegodd.

Ond fe amddiffynnodd y Canghellor am orfod gwneud dewisiadau anodd i lenwi’r “twll gwerth £22bn” yng nghoffrau’r wlad.

“Bydd pob teulu yma [yn y gynhadledd] hefyd yn dibynnu ar yr NHS, ar leihau rhestrau aros, ar [gyllid ar gyfer] gwella trafnidiaeth – a ma’ hynny i gyd yn rhan o’r penderfyniadau cyllidebol yma hefyd.”