Sgandal Swyddfa’r Post: ‘Angen digolledi teuluoedd hefyd’

Flwyddyn yn ddiweddarach, ganol Ionawr 2025, fe ddaeth Mr Jones i setliad gyda’r Swyddfa Bost dan Gynllun Diffyg Horizon.

Er nad ydi o’n teimlo bod yr arian yn gwneud yn iawn am yr holl ddiodde, mae’n falch o’r cyfle i geisio symud ymlaen.

Mae’n dweud ei fod yn deimlad “lyfli – relief“.

“Do’n i ddim yn credu fe yn y dechre. Roedd Evelyn a fi’n dweud ‘wel, odi hi ‘di dod i ben o’r diwedd? Gallwn ni ddod lawr â’r bocs enfawr yna o’r atig nawr a chael gwared [â dogfennau’r achos]?’

“Ddwedes i ‘na – allwn ni byth cael gwared â rheina’. Os byth daw Swyddfa’r Post yn ôl mae pethe yn fanna i brofi bod ni wedi neud yn iawn.

“Nawr mae pethe yn sgwâr [yn ariannol] unwaith eto ond amser ddechreuodd yr holl bethe – yn fy 50au oeddwn i. Dwi rŵan yn fy 70au hwyr ac mae ‘na wahaniaeth. Henaint ni ddaw ei hunain.”