Pleidlais o ddiffyg hyder yn Gething yn debygol ar 5 Mehefin

Mae disgwyl y bydd Prif Weinidog Cymru, Vaughan Gething, yn wynebu pleidlais o ddiffyg hyder pan fydd aelodau’r Senedd yn dychwelyd yr wythnos nesaf.

Credir bod y Ceidwadwyr Cymreig yn debygol iawn o alw am bleidlais o’r fath ar gyfer 5 Mehefin.

Mae gan y blaid tan 18:00 ddydd Mercher i wneud hynny.

Mae Mr Gething wedi bod o dan bwysau mawr, gan gynnwys gan rai o fewn ei blaid, yn dilyn ei benderfyniad i dderbyn rhoddion gwerth £200,000 i’w ymgyrch arweinyddiaeth ddiweddar gan gwmni sy’n eiddo i ŵr sydd wedi eu erlyn ddwywaith am droseddau amgylcheddol.

Mae gan Lafur 30 o’r 60 sedd yn y Senedd, felly i’r cynnig o ddiffyg hyder lwyddo byddai angen i o leiaf un AS Llafur bleidleisio o blaid neu ymatal.