Papur Y Cyfnod yn ôl ar werth i bobl Y Bala a Phenllyn

Roedd ‘na “fwlch go fawr ers i’r Cyfnod beidio cael ei gyhoeddi”, yn ôl Huw Antur, Ysgrifennydd Pum Plwy Penllyn.

Y cwmni cymunedol sydd wedi sicrhau’r arian grant er mwyn cyhoeddi’r papur unwaith eto, a’u nod yn ehangach yw cefnogi a datblygu prosiectau yn yr ardal.

Wrth siarad yn gynharach eleni, dywedodd: “Y gobaith ydy fydd ‘na barhad i’r Cyfnod a bydd o wedyn yn parhau fel rhyw fath o linyn cyswllt yn ardal Y Bala a Phenllyn, dod â’r newyddion a digwyddiadau, hysbysebion a straeon.”

Ychwanegodd aelod arall ei fod yn “gyffrous” dechrau’r argraffu eto, ond mai yn nwylo pobl leol mae’r fenter.

Dywedodd Alwyn Jones: “Mae’n dibynnu ar bobl rwan os fyddan nhw’n ei brynu, a dyna fydd y prawf.”