Neil Foden yn cael ei ddedfrydu i 17 mlynedd o garchar

Dywedodd Heddlu Gogledd Cymru bod y ddedfryd yn “adlewyrchu natur arswydus troseddau Neil Foden”.

“’Da ni’n rhannu sioc a ffieidd-dod ein cymunedau tuag at ei droseddau,” meddai’r Prif Gwnstabl Cynorthwyol, Gareth Evans.

“Fel pennaeth ysgol, ei swydd oedd diogelu pobl ifanc, edrych ar eu holau a’u datblygu nhw er mwyn cael dyfodol gwell.

“Yn lle hynny, mi wnaeth gamddefnyddio ei swydd er mwyn ei foddhad rhywiol ei hun.

“Galla i ddim gor-ddweud yr effaith mae hyn wedi’i gael ar ein cymunedau ni, yn enwedig ar bobl ifanc yr ardal.”

Ychwanegodd Gwasanaeth Erlyn y Goron eu bod nhw’n croesawu’r ddedfryd.

“Rydyn ni’n gobeithio y bydd y dioddefwyr yn cael eu cysuro gan y ddedfryd a’r ffaith bod Foden wedi’i gosbi,” medd yr Uwch Erlynydd Ceri Ellis-Jones.