Merch 5 oed wedi’i hanafu ar reid ffair yn Llandudno

Dywed Chris Williams, cyfarwyddwr Digwyddiadau Cymunedol Llandudno – oedd yn trefnu’r digwyddiad – fod y plentyn yn “sefydlog” yn yr ysbyty, a bod ei rhieni wedi dweud “y gallai wedi bod lot gwaeth”.

Dywedodd y Gwasanaeth Ambiwlans eu bod wedi eu galw i ddigwyddiad ar Stryd Mostyn yn Llandudno ar 3 Mai.

Fe wnaeth Mr Williams rannu gwybodaeth am y digwyddiad mewn datganiad.

Mae’n nodi: “Cafodd ymchwiliad cychwynnol i’r reid ei gynnal ac fe wnaeth y Gweithgor Iechyd a Diogelwch ymweld â’r Llandudno Victorian Extravaganza yn dilyn y digwyddiad, gan ganiatáu i’r reid i barhau i weithredu.

“Er hyn, mewn parch i’r teulu, rydym wedi gofyn i’r reid fod ynghau am weddill y digwyddiad.

“Fe ddaeth ymchwiliad mewnol cychwynnol i’r casgliad mai gwall dynol a achosodd y digwyddiad.”