Guto Rhun ‘wedi cael profiadau iechyd meddwl ofnadwy’

Dywed ei fod yn bwysig i fod “yn garedig i ti dy hun ac i eraill o gwmpas”.

“Dwi’n teimlo’n iawn, yn teimlo’n ffantastig heddiw, ond dwi’n gwybod fedrith hynna newid yfory, fedrith newid pnawn ‘ma.

“Maen rhywbeth dwi’n gweithio arno yn ddyddiol.”

Ychwanegodd mai “na’i gyd ti’n gallu ‘neud ydy gweithio ar dy hun, a bod yn garedig i ti dy hun ac i eraill o gwmpas”.

Mae Eden yn lansio partneriaeth newydd gyda’r Urdd i ddathlu hunaniaeth a chynhwysiant.

Fe wnaeth y band pop lansio prosiect Paid  Bod Ofn (PABO) yn gynharach eleni, gyda’r weledigaeth o “ddysgu, deall a dathlu”.

Ychwanegodd Guto Rhun fod yr hyn mae Eden wedi’i wneud yn “hynod o bwysig”, gan ddweud ei fod yn “byw lot o fy mywyd i mewn ofn” gan ategu fod “pethau yn mynd i fod yn ok“.