Dyn yn ei 70au ar goll yn Afon Conwy ar ôl mynd â chi am dro

Roedd y dyn, sy’n chwe troedfedd o daldra gyda gwallt gwyn byr, yn gwisgo siaced Berghaus goch, het goch, siwmper wlân wen, trowsus lliw tywyll ac esgidiau cerdded brown.

Mae’r ci hefyd ar goll – ci defaid du a gwyn gyda thennyn a chôt ddu.

Wrth apelio am glywed gan unrhyw un all fod wedi gweld y dyn, dywedodd y Prif Arolygydd Simon Kneale o Heddlu Gogledd Cymru: “Mae hwn yn gyfnod eithriadol o anodd i deulu’r dyn yma.

“Mae chwilio manwl yn parhau y bore ‘ma fel rhan y ymateb aml-asiantaeth ac mae swyddogion yn cefnogi ei deulu.”

Gan ddiolch pawb sydd wedi helpu chwilio “mewn amodau tywydd anodd eithriadol” roedd ganddo rybudd cyffredinol i’r cyhoedd “osgoi cerdded neu yrru trwy lifogydd – dydy o byth werth y risg”.

Mae’r dŵr, meddai, yn cuddio “sawl risg yn aml, ac yn ddyfnach nag y mae’n ymddangos”.