Dyn wedi marw mewn gwrthdrawiad beic cwad ger Llandrillo

Mae dyn wedi marw yn dilyn gwrthdrawiad ar ffordd rhwng Llandderfel a Llandrillo.

Digwyddodd y gwrthdrawiad ar y B4401 tua 19:01 nos Sul, ac roedd yn cynnwys beic cwad Honda.

Dywedodd yr heddlu fod y beiciwr wedi ei gyhoeddi yn farw yn y fan a’r lle er gwaethaf ymdrechion y gwasanaethau brys a’r cyhoedd.

Mae Heddlu Gogledd Cymru yn apelio am dystion i’r digwyddiad.

Mae perthnasau agosaf y dyn a’r crwner wedi cael gwybod.

Roedd Uned Ymchwilio Gwrthdrawiadau Fforensig yn y fan a’r lle i gynnal ymchwiliadau cychwynnol, gan arwain at gau’r ffordd am sawl awr.

Diolchodd yr heddlu i’r cyhoedd am eu hamynedd yn ystod y cyfnod hwn.

Dywedodd y Rhingyll Duncan Logan ei fod yn “estyn ei gydymdeimlad dwysaf â theulu’r dyn ar adeg anodd iawn”.

“Mae’r digwyddiad hwn bellach yn cael ei ymchwilio fel gwrthdrawiad traffig ffordd angheuol.”

Mae’r heddlu’n gofyn i unrhyw un a oedd yn teithio neu’n cerdded yn yr ardal ac sydd â gwybodaeth, lluniau teledu cylch cyfyng, dashcam neu fideo ffôn symudol i gysylltu â nhw.