Dyn 37 oed wedi’i arestio ar ôl ymosodiad yng Ngheinewydd

Mae dyn 20 oed mewn cyflwr critigol yn yr ysbyty wedi ymosodiad difrifol yng Ngheinewydd yng Ngheredigion, oriau mân bore Sadwrn.

Dywedodd Heddlu Dyfed-Powys fod y digwyddiad wedi digwydd tua 00:51 ar Stryd Bethel, sy’n arwain at Sgwâr Uplands.

Cafodd y dyn anafiadau difrifol sy’n peryglu ei fywyd ac fe’i cludwyd i’r ysbyty, lle mae’n parhau mewn cyflwr critigol.

Mae dyn 37 oed wedi’i arestio ar amheuaeth o achosi niwed corfforol difrifol ac mae yn nalfa’r heddlu.

Mae’r ymchwiliad yn cael ei arwain gan swyddogion yr Adran Ymchwilio i Droseddau a’r Tîm Troseddau Mawr.

Dywedodd yr heddlu y bydd presenoldeb swyddogion yn parhau yn yr ardal dros y dyddiau nesaf.

Mae Heddlu Dyfed-Powys yn apelio ar unrhyw un a welodd y digwyddiad, neu sydd â gwybodaeth a allai helpu’r ymchwiliad, i gysylltu â nhw.