Disgwyl newid ‘unwaith mewn cenhedlaeth’ i’r system ddŵr

Dywedodd Afonydd Cymru, sy’n cynrychioli ymddiriedolaethau afon y wlad, bod cwsmeriaid dŵr yma yn haeddu gweld newid mor gyflym â Lloegr.

“Rhaid i ni gofio mai dim ond ymgynghoriad yw hi ar y pwynt yma a dim byd yn bendant,” meddai’r prif weithredwr, Gail Davies-Walsh.

“Er hynny, mae’n cynnig cyfle i Gymru gyd-ddylunio sector dŵr sy’n gweithio i ni a’n hafonydd.”

“Y gobaith yw – yn dilyn ymgynghori – y bydd y llywodraeth hon a’r un nesa’ yn bwrw ati â’r newidiadau yma, sydd wir eu hangen, heb oedi diangen,” meddai.

Dywedodd Llywodraeth Cymru y byddai ei phapur gwyrdd yn amlinellu “cynigion unwaith mewn cenhedlaeth, ar gyfer diwygio’r system ddŵr yng Nghymru”.