Disgwyl i Borthladd Caergybi ailagor yn rhannol erbyn canol Ionawr

Porthladd Caergybi yw un o borthladdoedd fferi prysuraf Prydain, a’r groesfan fyrraf rhwng y DU ac Iwerddon.

Ar gyfartaledd, mae dwy filiwn o deithwyr yn defnyddio Porthladd Caergybi y flwyddyn ac mae tua 1,200 o lorïau a threlars yn croesi bob dydd.

Cyn i’r porthladd gau, roedd Stena Line ac Irish Ferries yr un yn gweithredu hyd at bedwar hwyliad i Ddulyn, gan adael yn aml o fewn hanner awr i’w gilydd.

Nid yw’r naill weithredwr na’r llall wedi cadarnhau a fyddai angen i amserlenni newid os mai dim ond un angorfa sy’n ailagor ganol Ionawr.

Dywedodd llefarydd ar ran Llywodraeth Cymru: “Rydym yn falch bod Stena yn gwneud cynnydd cadarnhaol, yn parhau i weithio tuag at ailagor y porthladd yn ddiogel, fel y gall gwasanaethau ailddechrau i bobl sydd eisiau teithio ac i fusnesau sy’n cludo nwyddau.”