Dathlu 90 mlynedd o ddarlledu gan y BBC ym Mangor

Ychwanegodd bod y cyfle i weithio o’r gogledd yn un arbennig.

“Roedd yn eithriadol o bwysig bod y BBC wedi creu’r ganolfan yma ym Mangor achos cyn hynny rhyw gilcyn o ddaear mewn cilfach gefn oedd Cymru mewn gwirionedd cyn belled ag oedd y BBC yn y cwestiwn.

“Mi oedd sefydlu Bangor yn rhoi cyfle i bobl ddarlledu o’r gogledd yn hytrach na bod nhw ‘mond yn medru darlledu o Gaerdydd gan roi cyfleoedd i bobl.

“Ac ar un adeg mi oedd y rhwydwaith yma yn bwysig bod Abertawe, Aberystwyth, Caerfyrddin, Bangor a Wrecsam yn medru cyfrannu.”

Ychwanegodd: “Mae hwnnw wedi lleihau rywfaint, ond mae Bangor wedi dal ei dir ac oes mae yna enwau mawr wedi datblygu gyrfa ac wedi symud yn eu blaenau o Fangor ac mae eu gwreiddiau nhw yn fan hyn ym Mryn Meirion. Mae’r enw Bryn Meirion yn sefyll dros rywbeth.”