Betsi’n talu £1m y mis am ofal iechyd meddwl tu hwnt i’r gogledd

Mae’r bwrdd iechyd gogledd Cymru wedi gwario dros filiwn o bunnoedd bob mis eleni yn anfon cleifion iechyd meddwl tu hwnt i’r rhanbarth am driniaeth.

Daw’r ffigyrau i’r amlwg wedi i raglen Newyddion S4C wneud cais rhyddid gwybodaeth at Fwrdd Iechyd Betsi Cadwaladr, sydd dan fesurau arbennig, gan ddarganfod bod 48 claf â phroblemau iechyd meddwl yn cael eu hanfon y tu allan i’r ardal i gael eu trin ar 1 Mawrth eleni.

Datgelodd y cais hefyd mai 22 o gleifion oedd yn cael eu trin tu allan i ardal y bwrdd ar yr un dyddiad y llynedd, gyda dim ond tri wedi eu hanfon o ogledd Cymru ar 1 Mawrth 2022.

Cyfaddefodd Dr Alberto Salmoiraghi, cyfarwyddwr meddygol iechyd meddwl y bwrdd iechyd, eu bod yn gwario “swm eithafol ar drin pobl yn rhywle arall” a bod “risg ynghlwm â hynny”, gan ddweud hefyd bod y bwrdd “yn ceisio gwella” y sefyllfa.