Annog chwaraewyr rygbi i gael yswiriant rhag colli cyflog

Yn ystod ei gyfnod yn chwarae rygbi, dywedodd Rhodri Bwye ei fod wedi cael sawl anaf.

Roedd y rhain, meddai, yn cynnwys “dwy lawdriniaeth ar fy ysgwydd, ACL [anterior cruciate ligament], detached pec, detached bicep, cwpl o ops ar y penglin”.

Ond ychwanegodd: “Fydden i byth yn newid dim achos o’n i’n caru chwarae rygbi.”

Dywedodd nad oedd ganddo yswiriant i warchod ei incwm ac o ganlyniad fe gollodd swm o’i gyflog am gyfnod.

“Collais i gyflog am fis pan oedd yr ACL wedi digwydd,” meddai.

“Roedd y teulu mewn sefyllfa eithaf da i fod yn onest ond roedd rhaid i ni golli mas ar y pethe neis o’n ni’n ‘neud achos doedd dim digon o arian yn dod mewn.”