Y Gyllideb: ‘Gas, ‘lectrig a phrisiau bwyd’ yn poeni pobl Bangor

Yn ôl Fflur Harman mae gan ardal Maesgeirchen galon fawr ac mae ‘na ysbryd cymunedol braf yma.

“Mae pobl yn meddwl bod y lle yn waeth nag ydy o,” meddai.

“Mae Maesgeirchen efo image ac mae pobl efo stereotypes yma, ond pan ti’n dod yma mae pobl yn ffantastig.

“Os ‘sa chdi ddim efo siwgr a ‘sa ti’n mynd drws nesa’, ‘sa pobl yn rhoi o i ti.

“Ond mae’r ardal yn ddifreintiedig – mae lot o bobl mewn tlodi, mae ‘na dlodi plant a food insecurity.

“Mae lot o bobl yn gweithio shifftiau a gweithio pres bob awr yn lle salary, ac mae pobl eisiau mynd yn eu blaenau ond lot o’r amser ‘di pobl ddim eisiau rhoi chance i bobl.”