Y ddwy ffrind o Ddyffryn Peris sy’n annog pobl ifanc i ddawnsio

Beth yw atgofion y ddwy o gyd-ddawnsio pan oedden nhw’n iau?

Meddai Iola: “O’n i wrth fy modd yn dianc at Chloe i ddawnsio, a chymysgu miwsig efo’n gilydd a chael sleepovers.”

Ychwanegodd Chloe: “Mae o’n rhan fawr o’n bywyda’ ni ac wedi siapio pwy ydan ni heddiw. Dwi ddim yn gwybod be’ fasan ni yn ‘neud heb ddawnsio.”

Gyda’r ddwy’n rhoi’r sesiynau dawnsio gyda’i gilydd ac ar wahân i aelodau Hudoliaeth boed yn ddawnsio disgo, hip hop, stryd, neu salsa, ai Chloe neu Iola yw’r tiwtor fwyaf llym?

Meddai Chloe: “Iola sydd fwyaf strict. Hi ydi’r bad cop a fi ydi’r good cop!”

Tydi Iola ddim yn anghytuno gyda hi, ond meddai hefyd bod dawnsio yn weithgaredd sy’n agored i bawb o bob oed.

Ychwanegodd Iola: “Mae o’n ffordd mor wych i gadw’n heini, ac i gadw’r meddwl a’r corff yn gryf ac yn iach. Ffeindiwch glwb dawnsio lleol ac ewch amdani.”