Y Ceidwadwyr i gynnal trafodaethau am y gyllideb gydag Eluned Morgan

Ond, dywedodd Jane Dodds, arweinydd y Democratiaid Rhyddfrydol yng Nghymru, ei bod yn “agored i weld sut y gallwn gydweithio i sicrhau bod y gyllideb lawn yn cael ei phasio”.

Cefnogodd Dodds Lywodraeth Cymru yn gynharach eleni, mewn cytundeb oedd yn cynnwys gwaharddiad ar rasio milgwn.

Fe ddigwyddodd hynny cyn marwolaeth AS Llafur Caerffili Hefin David, pan oedd Llafur ond un sedd yn brin o fwyafrif ac yn dibynnu ar un bleidlais ychwanegol.

Mi fydd hi’n anoddach cael mwyafrif os bydd y blaid yn colli is-etholiad Caerffili ddydd Iau, gan orfodi Llafur i edrych ymhellach na dim ond y Democratiaid Rhyddfrydol.

Ond mae’n annhebygol y bydd y cyfarfod brynhawn Mawrth rhwng Eluned Morgan a Millar yn arwain at gytundeb ar unwaith.

Ar hyn o bryd, dim ond drafft o’r hyn y mae Llywodraeth Cymru’n bwriadu ei wneud nesaf sydd wedi ei gyhoeddi, ac maen nhw wedi gadael £380m o’r neilltu cyn unrhyw drafodaethau gyda’r gwrthbleidiau.

Mae Millar wedi galw am ddileu’r fersiwn Gymreig o dreth stamp, sef treth Trafodiadau Tir.