Tynnu cloeon cariad o bont yn Llanrwst yn sgil pryder diogelwch

Dywedodd un o drigolion y dref mewn neges ar y cyfryngau cymdeithasol: “Hoffwn gael ein clo ni yn ôl gan ei fod yn bwysig iawn i ni, ac mae’n siomedig na chafodd hyn ei ystyried cyn i’r cloeon gael eu tynnu heb unrhyw rybudd.”

Dywedodd person lleol arall: “Mae’n siomedig iawn. Fe wnes i a fy mhartner ddyweddïo ar y bont y llynedd ac fe wnaethon ni osod clo hyfryd yno.”

Mewn datganiad, dywedodd Cyngor Sir Conwy: “Ry’n ni’n deall bod gosod y cloeon hyn yn cael ei ystyried yn weithred ramantus, ond mae’n gallu achosi niwed.

“Yn anffodus, mae sawl esiampl o wahanol rannau o’r byd lle mae cloeon o’r fath wedi effeithio ar ddiogelwch a gwydnwch pontydd a strwythurau eraill.”