Tripledi o Geredigion eisiau helpu plant eraill sy’n colli rhiant

Draw yn Rhondda Cynon Taf, mae pennaeth un ysgol gynradd wedi gweld effaith cefnogaeth Ysbyty Felindre yng Nghaerdydd, wrth i riant plentyn yn yr ysgol gael triniaeth.

Dywedodd Gavin Ashcroft o Ysgol Gymraeg Llwyncelyn ym Mhorth y byddai’n wych petai cefnogaeth o’r fath yn cael ei chynnig i bob ysgol.

“Mae Felindre wedi bod yn hollol wych. Maen nhw wedi rhoi cefnogaeth i ni fel staff, ond hefyd wedi bod yno i’r disgybl, ac mae hynny wedi bod yn amhrisiadwy,” meddai.

“Roedd y sesiynau gyda’r dosbarth yn arbennig o bwysig, gan helpu’r plant i ddeall beth oedd yn digwydd mewn ffordd ofalus a sensitif.”

Ychwanegodd: “Mae disgyblion o wahanol oedrannau’n ymateb mewn ffyrdd gwahanol iawn ac mae cael arbenigwyr Felindre i’n harwain ni drwy’r broses wedi gwneud gwahaniaeth mawr.”

Dywedodd bod Felindre wedi eu helpu i sicrhau bod sgyrsiau’n “briodol, yn onest ac yn ofalgar”.