Tlodi Gwledig yn ‘cuddio yng ngolau dydd’

Yn rhedeg cwmni bysys ar gyrion Pencader, mae Rhydian Thomas yn cytuno’n gryf bod tlodi gwledig yn bodoli.

“Nid yn ariannol falle, ond achos ein bod ni’n bell o unrhyw gymorth a sylw”, meddai.

Gyda chynllun Rhyddhad Treth Tanwydd Gwledig yn bodoli mewn rhai ardaloedd o’r Deyrnas Unedig, mae yna gynnig yn y strategaeth i’w ymestyn i Gymru, sy’n syniad da iawn yn ôl Mr Thomas.

“Ni’n gwario rhyw £2,000 yr wythnos ar ddisel, so os fydden i’n safio dwy neu dair ceiniog y litr, dros wythnos, dros fis, dros flwyddyn, fydd e’n adio lan at itha’ tipyn.”

Ond mae Sandra Richards-Davies yn poeni fod adroddiadau tebyg wedi eu comisiynu yn y gorffennol heb unrhyw ganlyniadau penodol.

“Fydden i moyn i’r strategaeth fod yn fwy na darn o bapur sy’n cael ei gyflwyno atom ni i gyd. Bod e’n neud gwahaniaeth a ddim yn tic bocs exercise.”