Tîm newydd Ynys Enlli eisiau iddi fod yn ‘le i fyw a gweithio am genedlaethau’

Dywedodd Aron fod sicrhau bod yr ynys yn le i fyw a gweithio yn golygu “rhoi mwy o bethau yn eu lle, fel mwy o bŵer solar yn y tai”.

Mae hynny’n “bwysig iawn ar gyfer y gymuned sy’n byw yma llawn amser, mae’n sicrhau bo’ nhw’n gallu byw yma heb broblem”, meddai.

Ychwanegodd Lois ei bod hi’n hanfodol gallu cynnig profiad yr ynys i bobl newydd.

“Mae ‘na lot o gyfleoedd gwirfoddoli yn ystod y flwyddyn, mae hwnna’n ffordd o fod yn rhan o’r ymddiriedolaeth a chael profi be’ yden ni’n ei ‘neud o ddydd i ddydd.

“Mae llwyth o gyfleoedd trwy gydol y flwyddyn sy’n agor ar gyfer flwyddyn nesa’, diwedd tymor yma yn ystod mis Medi,” meddai.