Reform ddim yn diystyru cael gwared â’r Senedd – AS

Cafodd y Senedd ei sefydlu ym 1999 yn dilyn refferendwm ddwy flynedd ynghynt, ac roedd yn cael ei galw’n Gynulliad Cenedlaethol yn wreiddiol.

Gan ei bod wedi’i chreu gan ddeddf Seneddol, byddai angen i Lywodraeth y DU benderfynu dod â’r sefydliad i ben.

Mae Reform yn teimlo’n hyderus y gallan nhw wneud yn dda yn etholiadau Senedd Cymru y flwyddyn nesaf.

Dywedodd arweinydd Reform UK, Nigel Farage, wrth y gynhadledd fod etholiadau Cymru, ynghyd ag etholiad Senedd yr Alban ac isetholiad Caerffili fis nesaf, yn “floc adeiladu” tuag at lwyddiant y blaid yn San Steffan yn y dyfodol.

Dywedodd Laura Anne Jones wrth y gynhadledd: “Mae angen i ni geisio gwneud i’r Senedd weithio i bobl Cymru, ond os na fydd, mae angen i ni gwestiynu a yw’r Senedd yn ychwanegu gwerth at Gymru mewn gwirionedd.”