Pryderon am ‘felltith’ ffrog briodas ail-law

Roedd y rhan fwyaf o briodferched a gymerodd ran yn yr ymchwil yn poeni am yr amgylchedd ac yn hoffi’r syniad o ddewisiadau mwy gwyrdd ond nid oedd cynaliadwyedd yn dylanwadu ar y penderfyniad terfynol wrth edrych ar ffrogiau.

Mae Bronwen Barclay, 35, o Fro Morgannwg yn rhedeg Bridal Reloved Cardiff – siop sy’n gwerthu ffrogiau priodas ail-law.

Cafodd ei hysbrydoli i ddechrau ei busnes ar ôl ymgais i ddod o hyd i’w ffrog briodas ei hun.

Gyda diddordeb mawr mewn cynaliadwyedd, roedd am roi ail gyfle i wisg.

Dywedodd Bronwen ei bod wedi prynu ei ffrog gan briodferch a oedd wedi talu £3,300 amdani’n wreiddiol.

Mae bellach ar werth am lai na £1,000 yn ei siop.

“Roeddwn i wrth fy modd bod rhywun arall wedi’i gwisgo, roeddwn i’n meddwl bod hynny’n gyffrous iawn,” meddai Bronwen.

“Yn amlwg nid yw’r ffrog wedi’i melltithio, rwy’n briod ac yn hapus fel y mae’r briodferch y prynais i’r ffrog ganddi,” ychwanegodd.