Pryder y gallai degau o doiledau cyhoeddus gau yng Ngheredigion

Mae Delyth Price Jones yn aelod o Gyngor Cymuned Y Borth.

“Bydd rhaid i dreth y cyngor godi i gadw rhain ar agor,” meddai.

Mae pedwar traeth yng Ngheredigion – Y Borth, traeth y de yn Aberystwyth, Llangrannog a Thresaith – wedi derbyn statws y ‘Faner Las’ yn 2024.

Mae’r meini prawf ar gyfer cael baner las yn cynnwys cael “nifer digonol o doiledau”.

Mae’r meini prawf baner las hefyd yn dweud bod yn “rhaid i nifer y toiledau sydd ar gael ar y traeth adlewyrchu nifer cyfartalog yr ymwelwyr â’r traeth yn ystod y tymor prysur, hyd y traeth a nifer a lleoliad y prif bwyntiau mynediad”.

Yn Y Borth, mae bron i filltir rhwng y ddau floc o doiledau ac mae pobl leol yn ofni y gallai’r pentref golli’r faner las os bydd llai o doiledau.

“Ni’n poeni’n fawr am hyn. Maen mynd i fod yn gostus i bawb yn y gymuned.

“Lle mae’r holl ymwelwyr sy’n dod yma i fod i fynd? Mae’n hawl sylfaenol.

“Bydd pobol yn mynd ar y traeth neu yn y môr, ble bynnag gallan nhw ffeindio, neu’n mynd at y busnesau lleol [i ddefnyddio eu cyfleusterau].”