Mwy o bensiynwyr yn marw heb daliad tanwydd y gaeaf

Cafodd y mater ei godi gan AS Plaid Cymru dros Gaerfyrddin, Ann Davies, yn ystod Cwestiynau’r Prif Weinidog, yr wythnos hon.

Dywedodd Ann Davies: “Mae fy etholwr Janette Crawford yn dioddef o ME a phoen cronig. Mae amodau oer, llaith gaeaf Cymreig yn mynd i olygu llawer mwy o ddolur cyhyr a blinder iddi.

“Mae hi wedi colli ei thaliadau tanwydd y gaeaf oherwydd bod ganddi bot bach o gynilon,” ychwanegodd.

“Gydag 86% o bensiynwyr mewn tlodi, neu ychydig uwchlaw’r linell honno, i golli allan yng Nghymru, a wnaiff y Prif Weinidog sefydlu tariff ynni cymdeithasol i helpu pobl fel Janette?”

Wrth ateb, dywedodd y Prif Weinidog Syr Keir Starmer: “Rydym wedi etifeddu twll du o £22 biliwn.

“Ry’n ni wedi ymrwymo i’r clo triphlyg. Mae’r pwynt am bensiynau yn wirioneddol bwysig, ac mae’r clo triphlyg yn golygu y bydd y pensiwn yn cynyddu eto £460 y flwyddyn nesaf.

“Mae hynny’n golygu y bydd pensiynwyr o dan Lafur yn well eu byd, oherwydd ry’n ni’n mynd i sefydlogi’r economi.”