Menyw yn talu ei dyled gamblo gwerth £40,000 trwy werthu dillad ar-lein

Bu Rachel Grady yn cuddio ei dibyniaeth o siopa a gamblo am bedair blynedd.

Ond, tra ar wyliau yn 2024, fe wnaeth hi gyfaddef i’w theulu a’i ffrindiau agos ei bod mewn dyled o £40,000.

“Ro’n i wedi torri’n llwyr fel person,” meddai Rachel, 41, a oedd wedi defnyddio sawl cerdyn credyd i’r eithaf ac yn ennill cyflog oedd ond yn ddigon i dalu ei had-daliadau gofynnol.

Ond yn dilyn cyfaddef ei phroblem, fe wnaeth hi ddysgu ei hun sut i ailwerthu dillad ar-lein, gan glirio’r ddyled enfawr honno mewn ychydig dros flwyddyn gan newid ei bywyd.

“Weithiau dwi’n eistedd yma ac yn meddwl, ‘Dwi ddim yn gwybod a ydw i’n dal i freuddwydio’, achos alla i ddim credu mai dyma beth dwi wedi llwyddo i’w wneud,” meddai Rachel.

“Dwi ddim yn meddwl fy mod i erioed wedi bod yn falch ohonof fy hun yn fy mywyd, ond dwi’n hynod o falch o’r hyn dwi wedi’i gyflawni.”