‘Hynod o bwysig’ bod mwy o bobl ifanc yn rhoi gwaed

Ers 10 mlynedd mae Ysgol Stanwell yn ardal Penarth wedi bod yn cefnogi’r gwasanaeth gan gynnig sesiynau rhoi gwaed.

Gyda dros 1,000 o gyfraniadau yn ystod y cyfnod hwnnw, fe allai’r disgyblion a’r athrawon fod wedi helpu i achub 3,000 o fywydau – a’r gobaith yw annog ysgolion eraill i wneud yr un peth.

“Ni moyn i’r apwyntiad cyntaf i fod mewn lle adnabyddus iddyn nhw, gyda staff a chyfoedion ma’ nhw yn adnabod yn dda,” meddai Julie Anthony, sy’n athrawes yn Ysgol Stanwell.

“Y gobaith wedyn yw y bydden nhw’n hyderus am y broses a bod mwy o siawns y bydden nhw’n rhoi gwaed pan yn y coleg, y brifysgol ac yn datblygu i fod yn rhoddwyr gydol oes.”