‘Hiliaeth wrth wraidd ymosodiadau gwleidyddol ar Gething’

Dywedodd un ffynhonnell Llafur wrth BBC Cymru fod “Vaughan Gething a’i gefnogwyr wedi dadlau bod yr ymosodiadau yn ei erbyn yn cael eu gyrru gan gymhellion hiliol a’i fod yn cael ei ddal i safon uwch nag eraill”.

“Mae ei gefnogwyr yn parhau’n ffyddlon ond mae’r grŵp yn dal yn rhanedig,” meddai.

Dywedodd ffynhonnell arall fod Mr Gething wedi gwneud y sylwadau wrth ateb cwestiynau gan y grŵp ynghylch a oedd yr ymosodiadau diweddar yn hiliol.

Ychwanegodd yr ail ffynhonnell: “Fel arweinydd du mae ganddo lawer mwy i’w brofi na phe bai’n arweinydd gwyn.

“Er enghraifft, edrychwch ar Mark Drakeford yn colli ei dymer gydag Andrew RT Davies. Pe bai Vaughan Gething wedi gwneud hynny byddai wedi cael ei weld fel dyn du crac”.