Gwrthdrawiad trên Powys: System argyfwng ‘wedi methu’

Mewn datganiad ar y cyd, dywedodd Trafnidiaeth Cymru a Network Rail: “Wedi’r gwrthdrawiad ym Mhowys ar 21 Hydref 2024, mae Trafnidiaeth Cymru a Network Rail wedi cydweithredu’n llawn ag ymchwiliadau Heddlu Trafnidiaeth Prydain a’r RAIB.

“Gyda’r ymchwiliadau hynny yn parhau, byddwn yn dal i weithio gydag ymchwilwyr er mwyn deall yn union be ddigwyddodd tra’n aros am y casgliadau llawn a’r argymhellion.

“Diogelwch yw’r flaenoriaeth i ni, ein cwsmeriaid a’n cydweithwyr, ac rydyn ni wedi cynnal gwiriadau manwl ar y trenau a’r rheilffyrdd er mwyn sicrhau bod modd ailagor lein y Cambrian ar 28 Hydref.

“Ar y pwynt yma yn yr ymchwiliad mae’n hanfodol ein bod yn aros i dderbyn yr adroddiad llawn, a’n bod yn dangos sensitifrwydd tuag at y cwsmeriaid, cydweithwyr, y gymuned leol a’r teuluoedd gafodd eu heffeithio gan y digwyddiad yma.”