‘Gwneud Jiu-Jitsu yw’r unig adeg sai’n gorfeddwl gydag ADHD’

Mae gweinidogion yn tybio y gallai nifer y bobl ifanc sy’n gofyn am ddiagnosis yng Nghmru dyfu i gymaint â 61,000 erbyn 2027, o gymharu â 27,770 y llynedd.

Yn ôl ADHD UK mae gan 3 miliwn o bobl yn y DU ADHD, dolen allanol, gan gynnwys 1.87 miliwn o oedolion.

Dywedodd Mairead, 30, ei bod wedi cael “cyfnodau anodd iawn gydag ADHD”.

Dywed ei bod wedi gwirioni ar jiu-jitsu o’r eiliad cyntaf “oherwydd nes i jest stopio gorfeddwl popeth yn fy mywyd ac o’n i’n gallu jest meddwl am sut i fanipiwleiddio corff rhywun arall – sy’n swnio’n od allan yn uchel.

“Ond dyna pam fi’n credu fi’n hyfforddi bob dydd – achos dyna’r unig adeg sa i’n teimlo dan straen.”

Esboniodd ei bod hi’n cael teimlad o foddhad o’r gamp nad yw hi’n ei gael unrhyw le arall.

“Unwaith chi’n dod i sesiwn hyfforddi mae fel gêm o chess – ma’ nhw’n gwneud un peth, wedyn chi, ac ar ôl blynyddoedd chi’n dechrau dysgu be bydd nhw’n ‘neud ymlaen llaw.

“Fi’n ffindo hwna mor addictive, ac os dwi’n llwyddo i ddatrys y puzzle ac ennill y gêm – dyna’r teimlad gore.”