Gwefan cofnodi enwau Cymraeg ‘ddim yn mynd yn ddigon pell’

Mewn datganiad yn lansio’r wefan, dywedodd Mark Drakeford: “Mae enwau lleoedd yn cyfleu pwy ydym ni ac o ble rydym yn dod.

“Bydd y mesurau newydd hyn yn sicrhau bod ein henwau lleoedd Cymraeg – o fynyddoedd chwedlonol fel Cadair Idris i Felin Wen, hen felin sy’n adrodd hanes cymuned fechan – yn cael eu diogelu ar gyfer cenedlaethau’r dyfodol, gan ei gwneud yn haws i bawb gymryd rhan.”

Mewn ymateb i bryderon Cylch yr Iaith, ychwanegodd llefarydd ar ran Llywodraeth Cymru eu bod yn “gweithio’n agos gyda haneswyr lleol ac arbenigwyr i ddiogelu a hyrwyddo’r enwau hyn, gan gefnogi eu defnydd mewn lleoliadau eiconig fel parciau cenedlaethol byd-enwog Eryri a Bannau Brycheiniog”.

“Byddwn yn seilio’n gwaith yn y maes ar ddealltwriaeth gadarn o sut mae enwau lleoedd Cymraeg yn cael eu defnyddio, a hynny er mwyn eu gwarchod a’u hyrwyddo at y dyfodol.”