Gething yn debygol o golli pleidlais diffyg hyder yn y Senedd

Mae gan y Ceidwadwyr gefnogaeth Plaid Cymru a’r Democratiaid Rhyddfrydol, ond does dim digon o aelodau i ennill pleidlais petai pob aelod Llafur yn pleidleisio.

Ond petai aelod Llafur yn mynd yn erbyn y blaid, ymatal pleidlais neu fethu â phleidleisio, fe allai cynnig y Ceidwadwyr lwyddo.

Yn siarad gyda’r BBC fore Mercher, dywedodd Ms Howells: “Dydw i ddim yn darogan canlyniad pleidlais cyn iddo ddigwydd ond dwi’n bod yn onest am y sefyllfa yr ydym ynddi.”

Soniodd hefyd am y broses o baru aelodau gyda’r pleidiau eraill – cytundeb gwirfoddol sy’n golygu na fydd aelod o wrthblaid yn pleidleisio os oes aelod o’r brif blaid yn methu â bod yn bresennol.

“Hoffwn ddweud ein bod ni fel grŵp Llafur wedi paru yn gyson gyda’r pleidiau eraill pob tro maent wedi gofyn.

“Dyma’r traddodiad hiraf mewn gwleidyddiaeth ac mae’r ffaith eu bod nhw [y gwrthbleidiau] yn gwrthod gwneud hyn heddiw yn dangos faint o gimig ydy’r bleidlais a’r bwriad yw tanseilio ein democratiaeth.”