Ffotograffydd dogfen yn creu llyfr am alar ei dad

A nawr mae’r lluniau – a darnau ysgrifenedig gan awduron fel Angharad Price a Manon Steffan Ros – yn rhan o’r llyfr Cofion.

“Mae o wedi bod yn therapi i bawb rhywsut… yn sicr roedd yn therapi mawr i fi,” meddai Rhodri ar raglen Beti a’i Phobol.

“Mae pawb sydd wedi cyd-weithio ar y llyfr yma yn gobeithio bydd o’n help i bobl… oherwydd mae o’n digwydd i bawb.

“Mae pawb yn colli rhieni. Nath Lele (Daniele Iamedica, dylunydd y llyfr) golli hogyn oedd ond yn 20 oed… ac mae hynny’n lot gwaeth yn dydi, ond mae pawb yn colli rhywun mewn bywyd – mae o’n naturiol, ac mae o fel trauma i bawb hefyd.

“Wedyn wrth wneud y llyfr yma y syniad ydi bod ni yn siarad am y peth oherwydd ‘da ni’n tueddu i jest edrych ar yr ochr arall neu ddim isho gweld petha… mae’n rhaid siarad am y pethau yma. Dwi’n meddwl wrth siarad am bethau ‘da ni efo mwy o siawns i ddod dros y peth.”

Ond tra bod ei berthynas gyda’i dad yn amlwg yn ei lyfr newydd, mae dylanwad ei rieni yn greiddiol i’w waith ffotograffiaeth mewn ffordd lai amlwg.