Etholiad cyffredinol: Difaterwch a diffyg hyder?

Mae Jane Ann Williams, 80, a’i merch Debbie Bowen, 62, yn dweud eu bod yn bwriadu pleidleisio.

“Chi methu beirniadu oni bai bo’ chi’n pleidleisio,” meddai Jane Ann.

Ychwanegodd fod ymgeisydd a ddaeth i’r ganolfan yn ddiweddar wedi llwyddo i ennill ei chefnogaeth, ond yn gyffredinol, mae hi’n teimlo nad yw gwleidyddion yn cadw at addewidion sy’n cael eu gwneud mewn cyfnod etholiad.

“Fedra’ i ddim ymddiried ynddyn nhw, achos ma’ nhw’n dweud hyn a’r llall, ‘da chi’n pleidleisio amdanyn nhw, ond dydyn nhw ddim yn gwneud dim yn y pen draw.

“Maen nhw wedi cael eich pleidlais, ma’ nhw fewn, felly i’r diawl â chi wedyn.”