Enwi dau ddyn o Gymru fu farw ar ôl boddi yn Awstralia

Mae’r ddau ddyn o Gymru fu farw ar ôl boddi ger y Great Barrier Reef yn Awstralia wedi eu henwi.

Cafodd Robin Reed 46, a’i fab Owen, 17, oedd o Sir Gaerfiili eu llusgo allan i’r môr wrth nofio ar draeth yn nhref Seventeen Seventy, Queensland, lle nad oedd achubwyr bywyd yn bresennol ar Ebrill 13.

Cafodd y ddau eu tynnu allan o’r dŵr gan hofrennydd achub yr heddlu, ond bu farw y tad a’r mab yn y fan a’r lle.

Dywedodd llefarydd ar ran Llys y Goron Queensland fod marwolaethau Mr Robin Reed a’i fab wedi cael eu hadrodd iddyn nhw.

“Gan fod ymchwiliadau’r crwner i’r marwolaethau newydd ddechrau, nid oes modd rhyddhau unrhyw wybodaeth bellach ar hyn o bryd.”