Dynes fyddar o Wynedd ‘wedi fy eithrio’ rhag etholiad y Senedd

Nid blaenoriaethau gwleidyddol y pleidiau yn unig sydd angen eu hesbonio yn Iaith Arwyddion Prydain, ond mae etholiad Senedd 2026 yn wahanol i rai blaenorol oherwydd bod etholaethau newydd sbon a system bleidleisio newydd i’w hesbonio.

Mae Martin Griffiths o Gymdeithas Pobl Fyddar Prydain wedi bod yn cyflwyno gweithdai i grwpiau byddar o amgylch Cymru yn ddiweddar yn esbonio’r newidiadau.

“Mae gan rai pobl fyddar sy’n arwyddo sgiliau Saesneg da, ond byddai well gan nifer dderbyn y wybodaeth drwy BSL, ac yna gallu defnyddio Saesneg fel ail opsiwn,” meddai.

“Mae’r rhan fwyaf o bobl sy’n arwyddo BSL yn cael trafferth gyda defnyddio Saesneg.

“Mae’n teimlo fel pe bai ewfforia pasio’r Bil Iaith Arwyddion Prydain (Cymru) hanesyddol wedi tawelu ychydig. Mae pobl yn meddwl ‘dyma ni eto, rydyn ni wedi cael ein gadael allan’.

“Beth wnaethom ni ddarganfod oedd bod tua wyth allan o 10 o bobl a fynychodd yn awgrymu na fydden nhw’n cofrestru i bleidleisio, neu os oedden nhw wedi cofrestru, nad oedden nhw am bleidleisio, ac roedd hynny yn siomedig iawn.”