Dyn yn credu ei fod ‘wedi ei dwyllo’ cyn lladd cymar ei fab

Clywodd y llys bod Mr Jones wedi cael ei holi gan yr heddlu naw gwaith dros ddau ddiwrnod mewn cysylltiad â’r digwyddiad.

“Dim sylw” oedd ei ateb i’r holl gwestiynau yn ystod y ddau gyfweliad cyntaf.

Yn ystod y trydydd cyfweliad, roedd ditectif wedi ei holi am y ffaith ei fod wedi chwilio’r we ynghylch dioddef twyll hunaniaeth.

Gofynnodd y Ditectif Gwnstabl Jonathan Gouldson wrtho a oedd yn credu ei fod wedi dioddef hynny yn bersonol, ac atebodd Mr Jones: “Do, rwy’n credu.”

Mewn cyfweliad arall, gofynnodd DG Gouldson beth ddigwyddodd ar ddiwrnod marwolaeth Ms Evans.

Atebodd Mr Jones ei fod “wedi pendroni ynghylch y twyll ‘ma”, gan ychwanegu nad oedd “yn gallu cofio popeth – ro’n i’n eratig”.