Dyn gafodd ei gyhuddo ar gam i herio’r penderfyniad i ryddhau llofrudd

Ychwanegodd Mr Actie: “Dwi’n gobeithio y gwnaiff rywun [cyfreithiwr] gysylltu â mi a chawn weld beth allwn ni ei wneud”.

“Efallai wnaiff teulu Lynette White apelio a gwneud rhywbeth am y sefyllfa hefyd. Nhw fyddai’r bobl orau i wneud hyn.

“Gobeithio y gallwn ei gadw yn y carchar am ‘chydig yn hirach. Mae’n haeddu bod yn y carchar am dipyn hirach na’r hyn mae wedi bod o’r hyn dwi’n ei ddeall.”

Aeth ymlaen i gwestiynu pam fod cais Jeffrey Gafoor am barôl wedi cael ei dderbyn y tro hwn ar ôl cael ei wrthod sawl tro yn y gorffennol.

“Mae’n rhaid bod rhywbeth wedi mynd o’i le iddo gael ei wrthod gan bobl yn ystod yr 20 mlynedd ddiwethaf,” meddai.

Wrth sôn am y cyfnod a’r profiad ei hun, dywedodd: “mae wedi byw gyda mi am y 36 mlynedd ddiwethaf” gan ychwanegu “dyw e byth am fynd i ffwrdd. Mae’n iselder sy’n glynu atoch o hyd.”

Dywedodd ei fod yn rhan o’r “camweinyddiad cyfiawnder mwyaf yn hanes Prydain, a dydyn nhw heb roi gwybod i ni [am ryddhau Gafoor]. Fe ffeindion ni allan wrth y BBC ddoe.”