‘Ddim yn deg’ y bu farw dyn ar ôl i ambiwlans beidio cyrraedd

Fe wnaeth hi’r alwad honno am 06:00 fore Iau, ac fe gafodd wybod y gallai fod yn aros am bedair awr.

Ond wedi i’r oriau hynny fynd heibio heb iddi glywed mwy, fe benderfynodd ffonio eto, fwy nag unwaith.

“Fe ddywedon nhw wrtha i ar un adeg y byddai’n o leiaf wyth awr arall,” meddai Mrs Towndrow.

Dywedodd ei bod wedi deall na fyddai ambiwlans yn cyrraedd tan o leiaf 01:00 y bore wedyn, ac felly fe gysylltodd â’i mab sy’n byw awr i ffwrdd yn Henffordd, i fynd ag ef i Ysbyty Athrofaol Cymru yng Nghaerdydd.

Roedd y meddyg teulu y tu allan i oriau wedi galw’r ysbyty i egluro ei bod yn credu bod gan Mr Towndrow cellulitis a ​​DVT, gan ofyn am wely hefyd.

Ond wrth gyrraedd, dywedodd Mrs Towndrow nad oedd gan staff yr ysbyty unrhyw gofnod o alwad y meddyg teulu gan ei bod wedi bod mor hir, ac nad oedden nhw’n barod i dderbyn Mr Towndrow gan nad oedd wedi cyrraedd mewn ambiwlans.