Datgan ‘digwyddiad difrifol’ yn Sir Fynwy yn dilyn Storm Claudia

Yr ardaloedd ble mae afonydd yn wynebu rhybuddion am lifogydd difrifol ydy:

Mae’r gwasanaeth tân wedi cadarnhau eu bod wedi helpu nifer o bobl i adael eu cartrefi a chyrraedd mannau mwy diogel.

Dywedodd Rheolwr Ardal Gwasanaeth Tân ac Achub De Cymru, Matt Jones:

“Mae hwn yn ddigwyddiad mawr, ac mae ein criwiau a’n partneriaid wedi bod yn gweithio’n ddiflino drwy’r nos ac i mewn i heddiw er mwyn helpu’r rhai yr effeithiwyd arnynt.

“Ni’n annog pawb i osgoi ardal Trefynwy yn llwyr. Mae’r llifogydd yn sylweddol, ac mae angen i ni gadw’r llwybrau’n glir er mwyn caniatáu i’r gwasanaethau brys allu cyrraedd y bobl sydd eu hangen.”

Mae Cyngor Sir Fynwy hefyd yn annog pobl i osgoi teithio yn yr ardal, ac yn pwysleisio eu bod nhw hefyd yn gweithio’n galed i helpu pawb sydd wedi cael eu heffeithio.