Cyngor Abertawe yn gwneud cais i’r Uchel Lys atal pryniant Rygbi Caerdydd

Mae Cyngor Abertawe wedi gofyn i’r Uchel Lys atal cytundeb rhwng Undeb Rygbi Cymru (URC) a chwmni Y11 i brynu clwb Rygbi Caerdydd.

Mae Y11 hefyd yn berchen y Gweilch, sy’n chwarae yn Abertawe, a phryder y cyngor yw y byddai prynu Caerdydd yn peryglu dyfodol y Gweilch fel clwb.

Daeth cadarnhad ym mis Ionawr gan URC mai Y11 oedd eu dewis i brynu rhanbarth Caerdydd.

Mae URC hefyd eisiau torri nifer y timau proffesiynol yng Nghymru o bedwar i dri, ac mae dyfalu y gallai hynny olygu na fyddai’r Gweilch yn parhau fel tîm haen uchaf.

Ddydd Mercher dywedodd llefarydd ar ran y cyngor y byddai’r cytundeb arfaethedig yn “golygu diwedd y Gweilch fel tîm rygbi rhanbarthol proffesiynol i ddynion sy’n chwarae yn URC”.

Ychwanegodd y datganiad y byddai gorchymyn llys yn rhoi “cyfle i bawb ystyried opsiynau eraill ar gyfer dyfodol rygbi yng Nghymru”.

Dywedodd y cyngor eu bod eisiau gwrandawiad llys brys ac y gallai hynny ddigwydd cyn gynted â’r wythnos hon.

Ond petai URC yn y cyfamser yn ymrwymo’n ysgrifenedig i beidio â chwblhau’r cytundeb, yna byddai’n bosib gohirio’r gwrandawiad llys i ddyddiad diweddarach.

Mae’r cyngor yn dweud bod y cais am orchymyn llys wedi cael cefnogaeth unfrydol gan y cabinet.

Ddydd Mawrth gofynnodd Cyngor Abertawe i’r Awdurdod Cystadleuaeth a Marchnadoedd gynnal ymchwiliad i gynllun Y11 ac URC.

Mae Undeb Rygbi Cymru wedi cael cais am sylw.


BBC News

Views: 2

See also  Technotronic's Pump Up the Jam co-writer wins Welsh music award

Check Also

Y Blaid Werdd: Gwthio’r Llywodraeth nesaf i fod yn fwy ‘beiddgar’

Mae Anthony Slaughter yn dweud y gallen nhw gael sawl AS yn y Senedd newydd. …

Casglu 3,000 o ffilmiau a dilynwyr ledled y byd ar YouTube

Drwy’r sianel, mae wedi gwneud ffrindiau ledled y byd sydd i gyd yn rhannu’r un …

‘Rheolau newydd yn fy atal rhag cael fy nghladdu gyda fy merch’

Dywed Cyngor Castell-nedd Port Talbot bod dim lle mwyach ar dir yr amlosgfa ar gyfer …

Leave a Reply

Available for Amazon Prime
O mundo das loterias online tem crescido de forma significativa no brasil, e a brazino777 power millions lottery se destaca. Set alert for guerlain l'instant magic eau de parfum spray 75ml £86. Statutory property protection relies heavily on public registration systems, particularly for immovable property.